Friday, August 30, 2013

سامسونج جلاكسي نوت Galaxy note 3 والساعة الذكية smart watch في تكة | مع سلمى

Takke-red
هاي أنا سلمى ! الـ Sony Nex ، الـ Galaxy Note III ، IOS 7، الموتورولا موتو اكس و غيرا كتير بهل فيديو! 
نزلت شركة سوني النسخة الجديدة من كاميرا  NEX،إسما NEX 5 : 16.1 MP، فيا NFC حتى  توصلي الكاميرا عتلفونيك و تشوفي الصور دغري. و طبعاً فيا WIFI... 
الـ NEX  هي كاميرا صغيرة . من أبرز مميزاتا أنو عدستا قابلة للتبديل، يعني ممكن تستعملو عدسات السوني المحترفة  عليا.    
Samsung Galaxy Note III  اللي بحبوا كتير البنات مع إنو phablet يعني حجمو كبير، رح يصدر  بسبتمبر ، و رح يحتوي كاميرا بتصور 4K  videos . الـ 4K هي أعلى جودة بتصوير الفيديو، يعني  أفضل حتى من الـ HD  . 
ومن المتوقع تطلق Samsung  الـ Galaxy Gear الساعة الذكية بـ 4 سبتمبر. أنا صراحة مش كثير مشجعة  لهلساعة.
خبريات Samsung كثيرة ، أعلنو كمان عن  Galaxy Tab 5 للأولاد، رح يكون مزوّد بقلم للرسم و التلوين. و الأهل بيقدرو يحددو وقت معين تيطفي الجهاز لوحدو.  سعرو ما مفروض يكون أغلى من 150 $.
الـ IOS  7 يلي نحكى عنو من أشهر بطّل تجريبي ورح ينزل بنسختو الأصلية ابتدئاً من 10 سبتمبر على الـ I phone 4 و الـ 4S و الـ 5       و الأيفون المتوقع إصدارو قريباً يلي عالأرجح رح يكون إسمو 5 S. 
موتورلا موتو اكس اللي بلش يصير متوفر بأسواق جديده غير أميركا    و اللي ناطرين إصدارو بالبلاد العربية ، مميز لإلنا صبايا لأن بكل سهوله فينا نعميلو customize : من تغيير لون الواجهة  للـ cover ، وحتى  أزرار التحكم منقدر نقيلون لونن  .
سوني راح تحدّث الـ Xperia S ، الـ SL ، و الـ Acro  S، بنسخة جديده من الـ JELLY BEAN.
خبرية مش كتير جديده بس النوكيا لوميا 10-20 ، تليفون بيستاهل ينحكى عنو  مش كرمال نظام الويندوز اللي نزل عليه ، بس كرمال كاميرتو اللي هيه ٤٠ مجا بكسل  MG pixel) (40. 

مدير التنفيذي للميكروسفت ، ستيف بالمر، رح يستقيل والبحث جاري عن بديل.  ستيف بالمر إلو ١٣ سنة بهل منصب ، تخللا شوية نجاحات وكتير إخفاقات.  صار بدا !
صار فينا نزيد ألبوم صور على الفيسبوك و ندعي حدا من أصحابنا ليشارك بهيدا الألبوم و يزيد صور فيه. هيك صار فينا نجمّع صور المشاوير و السهرات بألبوم واحد.